1

തി​രു​വ​ന​ന്ത​പു​രം: സ​ന്ന​ദ്ധ സം​ഘ​ട​ന​ക​ൾ​ക്കു​ള്ള വി​ദേ​ശ ധ​ന​സ​ഹാ​യം നി​യ​ന്ത്രി​ക്കു​ന്ന കേ​ന്ദ്ര സ​ർ​ക്കാ​രി​ന്‍റെ ഫോ​റി​ൻ കോ​ൺ​ട്രി​ബ്യൂ​ഷ​ൻ റെ​ഗു​ലേ​ഷ​ൻ ആ​ക്ട് ഭേ​ദ​ഗ​തി​ക്കെ​തി​രെ കേ​ര​ള നി​യ​മ​സ​ഭ പ്ര​ത്യേ​ക പ്ര​മേ​യം പാ​സാ​ക്കി. പ്രതിപക്ഷ നേതാവ് പി​ണ​റാ​യി വി​ജ​യ​ൻ സ​ഭ​യി​ൽ അ​വ​ത​രി​പ്പി​ച്ച പ്ര​മേ​യ​ത്തെ ഭ​ര​ണ-​പ്ര​തി​പ​ക്ഷ​ങ്ങ​ൾ സം​യു​ക്ത​മാ​യി പി​ന്തു​ണ​ച്ച​പ്പോ​ൾ, സ​ഭ​യി​ലെ ര​ണ്ട് ബി​ജെ​പി അം​ഗ​ങ്ങ​ൾ പ്ര​മേ​യ​ത്തെ എ​തി​ർ​ത്തു വോ​ട്ട് ചെ​യ്തു. വോ​ട്ടെ​ടു​പ്പി​ൽ 111 പേ​ർ പ്ര​മേ​യ​ത്തെ അ​നു​കൂ​ലി​ച്ച​പ്പോ​ൾ ര​ണ്ട് പേ​രാ​ണ് എ​തി​ർ​ത്ത​ത്.

രാ​ജ്യ​ത്തെ സ​ന്ന​ദ്ധ സം​ഘ​ട​ന​ക​ളെ​യും എ​ൻ​ജി​ഒ​ക​ളെ​യും പൂ​ർ​ണ​മാ​യി നി​യ​ന്ത്രി​ക്കാ​നും അ​വ​യു​ടെ പ്ര​വ​ർ​ത്ത​നം ത​ട​സ​പ്പെ​ടു​ത്താ​നു​മു​ള്ള കേ​ന്ദ്ര നീ​ക്ക​മാ​ണ് ഈ ​നി​യ​മ​ഭേ​ദ​ഗ​തി​ക്ക് പി​ന്നി​ലെ​ന്ന് പ്ര​മേ​യം അ​വ​ത​രി​പ്പി​ച്ചു​കൊ​ണ്ട് പ്രതിപക്ഷ നേതാവ് കു​റ്റ​പ്പെ​ടു​ത്തി. ഇ​ത് ന്യൂ​ന​പ​ക്ഷ അ​വ​കാ​ശ​ങ്ങ​ളെ ഇ​ല്ലാ​താ​ക്കാ​നും ആ​വി​ഷ്കാ​ര സ്വാ​ത​ന്ത്ര്യ​ത്തി​ന്മേ​ൽ ക​ട​ന്നു​ക​യ​റാ​നു​മു​ള്ള ശ്ര​മ​മാ​ണെ​ന്നും ഭേ​ദ​ഗ​തി കേ​ന്ദ്ര സ​ർ​ക്കാ​ർ അ​ടി​യ​ന്ത​ര​മാ​യി പി​ൻ​വ​ലി​ക്ക​ണ​മെ​ന്നും പിണറായി ആ​വ​ശ്യ​പ്പെ​ട്ടു. മുഖ്യമന്ത്രി വി.​ഡി. സ​തീ​ശ​നും പ്ര​മേ​യ​ത്തെ പി​ന്തു​ണ​ച്ചു.

അ​തേ​സ​മ​യം, പ്ര​മേ​യ​ത്തി​ൽ ഭേ​ദ​ഗ​തി നി​ർ​ദേ​ശി​ച്ചു​കൊ​ണ്ട് ബി​ജെ​പി അം​ഗ​ങ്ങ​ൾ രം​ഗ​ത്തെ​ത്തി​യി​രു​ന്നു. പാ​ർ​ല​മെ​ന്‍റ് പാ​സാ​ക്കു​ന്ന നി​യ​മ​ങ്ങ​ൾ​ക്കെ​തി​രെ പ്ര​മേ​യം കൊ​ണ്ടു​വ​രു​ന്ന​ത് ഫെ​ഡ​റ​ൽ ത​ത്വ​ങ്ങ​ൾ​ക്ക് വി​രു​ദ്ധ​മാ​ണെ​ന്ന് ബി​ജെ​പി സ​ഭ​യി​ൽ വാ​ദി​ച്ചു. എ​ന്നാ​ൽ ഈ ​ഭേ​ദ​ഗ​തി നി​ർ​ദേ​ശ​ങ്ങ​ൾ മു​ഖ്യ​മ​ന്ത്രി പൂ​ർ​ണ​മാ​യി നി​രാ​ക​രി​ച്ചു. തു​ട​ർ​ന്ന് ന​ട​ന്ന വോ​ട്ടെ​ടു​പ്പി​ലാ​ണ് ര​ണ്ടി​നെ​തി​രെ 111 വോ​ട്ടു​ക​ൾ​ക്ക് നി​യ​മ​സ​ഭ പ്ര​മേ​യം പാ​സാ​ക്കി​യ​ത്.